NOVAS





                                     

Benvido a este espazo que o CEIP PADRE FEIJOO de Allariz pon á disposición da comunidade educativa co fin de mantela informada de todas aquelas novas que se produzan e sexan de interese, así como dos seus servizos e actividades.




 
Unificación de horarios 2019-2020

A Xefatura de Territorial ven de comunicar que para o curso 2019-2020 xa non haberá cambios horarios entre os meses de setembro e xuño respecto dos meses que van de outubro a maio. O horario será sempre o mesmo durante todo o curso escolar.
 

HORARIO DE INFANTIL
 
- Das 9h10 ás 14h10 (sen comedor), e ás 15h25 con comedor.

HORARIO DE PRIMARIA

- Das 9h15 ás 14h15 (sen comedor), e ás 15h30 con comedor. 
 
Redistribución do alumnado de 1º, 3º e 5º


A distribución do alumnado nas aulas corresponde principalmente a un criterio alfabético aplicado no momento da súa escolarización en tres anos. O paso dos cursos, onde se vai coñecendo moito mellor aos nenos e nenas, sumado a interacción entre eles, proporciona unha experiencia que ven a mostrar que ese reparto debe ser  optimizado para un mellor  aproveitamento educativo. A proposta de realizar cambios na distribución do alumnado responde a motivos educativos e pedagóxicos que tratan de mellorar o proceso de ensino-aprendizaxe. Trátase en consecuencia de cambiar a distribución do alumnado por clase dentro do mesmo nivel cando pasen de 6º de Infantil a 1º, de 2º a 3º e de 4º a 5º. Esta redistribución do alumnado será realizada polo equipo docente que imparte nos niveis de 6º de Infantil,  2º e 4º Primaria, contando co asesoramento do Departamento de Orientación.

Os obxectivos básicos que se pretenden son os seguintes.-

1.Favorecer a interacción social.- Permitir que o alumnado inicie novas relacións de amistades sen por iso perder as anteriores xa que van a seguir compartindo moitos espazos e actividades en común; patio de recreo, comedor, actividades complementarias e extraescolares, etc. Proporcionar novas oportunidades a aquel alumnado que foi quedando máis illado.
2.Compensar as necesidades do alumnado.- A distribución inicial que se fai do alumnado por orde alfabética cando teñen tres anos non se corresponde en moitos casos cun equilibrio entre os grupos dun mesmo nivel respecto de alumnos con necesidades de reforzo educativo ou de atención á diversidade. Compre polo tanto compensar este alumnado realizando un reparto equilibrado entre os grupos.
3.Evitar rivalidades.- Cando os grupos conviven sen cambios durante largos espazos de tempo a aparición de rivalidades resulta inevitable. 
4.Romper liderazgos.- Outra consecuencia da convivencia durante largos períodos de tempo é a aparición de líderes e/ou grupos dominantes que poden monopolizar a outros nenos e nenas en función dos seus intereses. Os cambios de grupo permiten rachar con estas malas inercias.
5.Preparar para os cambios.- Trátase de ir aprendendo a adaptarnos aos cambios que a vida nos vai a ir presentando.

Enlaces para coñecer os novos listados:

 
 
 
 
 
 
LISTADOS DE 5ºA - 5ºB e 5º C



BANCO DE LIBROS E AXUDAS


VALES

Recollida dos vales para adquisición de material de 1º a 6º e para adquisición de libros de texto de 1º e 2º: Poden recollerse no colexio das 9h00 ás 14h00, ata o venres 12 de xullo.

BANCO DE LIBROS 


No seguinte enlace poderá coñecer o número de libros que lle foron asignados de forma definitiva ao seu fillo/a. Lembre que os libros serán entregados no inicio do curso, en setembro, ao seu fillo/a.
 
Lista definitiva do banco de libros 2019-2020



 

FESTA  DE  FIN  DE  CURSO    2018-2019

 O xoves, 20 de xuño, celebrouse no patio do colexio a Festa de Fin de Curso 2018-19. Durante a mesma o alumnado de 4º de Primaria fixo unha representación en contra dos incendios, mentres os demais cursos cantaron varias cancións. Tamén durante esta celebración tivo lugar a graduación do alumnado de 6º de Primaria que o próximo curso inicia unha nova etapa en Secundaria. Rematou a festa coa actuación da Banda de Música de Allariz na que participan varios nenos e nenas do colexio. Feliz verán!













GRADUACIÓN  EN  INFANTIL
 
O martes, 18 de xuño, os alumnos e alumnas de 5 anos, con motivo do remate dos seus estudos, tiveron un emotivo acto no que fixeron un percorrido polas actividades realizadas nestes  tres anos.  Esta graduación ten un dobre valor, tanto polo que significa de final dunha importante etapa das súas vidas como polo inicio doutra non menos transcendente. Durante o acto cantaron cancións, bailaron e visionaron fermosos videos dedicados  feitos tanto polas mestras como polas familias. Grazas a todas as nais e pais que asistiron e compartiron este entrañable momento.



























 


Coñecendo  a  cultura  castrexa



 O alumnado de 5º e 6º de Educación Primaria viaxou ao pasado visitando o importante patrimonio do castro de San Cibrao de Las. Este castro na actualidade presenta un óptimo estado de conservación, sendo polo seu tamaño e disposición un referente indudable para o coñecemento da cultura castrexa. Durante a visita realizaron interesantes actividades que permiten coñecer no só as formas de vida daquela época senón tamén as técnicas de traballo da arqueoloxía. Esta visita tivo lugar o día 14 de xuño.







Teatro Run Run – Cecilia a súa boneca


Os nenos e nenas de Educación Infantil, así como os de 1º de Primaria asistiron á representación da obra "Cecilia e a súa boneca", o día 10 de xuño. Cecilia recibe unha carta moi especial do país das bonecas. Ingrid, a súa boneca, está atrapada e necesita axuda para converterse en humana: "Só polo amor doutro humano poderás abrir as portas que che levarán á liberdade". Esta representación foi posible grazas a colaboración das nais e pais do alumnado de 3 anos que doaron ao colexio o diñeiro recadado no verán pasado con motivo da súa reivindicación de tres aulas para os seus fillos e fillas.











Excursión de 3º a Manzaneda
O día 10 de xuño, o alumnos e alumnas de 3º de Primaria realizaron unha excursión a Manzaneda. Durante a mesma participaron en diferentes actividades tales como escalada, karts, hípica e piscina.








 


Excursión de 4º a Puebla de Sanabria

O alumnado de  4º realizou, o día 6 de xuño, unha excursión a Puebla de Sanabria. Durante a mesma fixeron unha viaxe en catamarán polo seu lago para posteriormente facer un roteiro camiñando  no seu entorno natural. Pola tarde coñeceron a parte antiga da vila e o castelo.







Excursión de 1º e 2º  - Fervenza do Toxa
O día 3 de xuño os alumnos e alumnas de 1º e 2º de Educación Primaria participaron no campamento da Fervenza do Toxa. Neste espazo do parque natural tiveron contacto cos animais da granxa, cultivaron na horta ecolóxica e fixeron pan.







Educación Vial

O día 5 de xuño os alumnos e alumnas de Educación Infantil tiveron un divertido circuito de Educación Vial no patio do colexio de Primaria. Esta actividade busca, por una banda, mellorar as habilidades dos nenos e nenas na vía pública, e por outra que aprendan conceptos básicos de seguridade vial, á vez que se fomenta neles a convivencia, o respeto e a responsabilidade. O día 12 de xuño este circuito realizarase para os alumnos e alumnas de 1º e 2º de Educación Primaria. Posteriormente haberá outro circuito con karts para o alumnado de 3º e 4º os días 17 e 18 de xuño.


EDUCACIÓN VIAL EN INFANTIL










EDUCACIÓN VIAL EN PRIMARIA












Encontro con Manuel Rivas




O 28 de maio, os alumnos e alumnas de 5º de Primaria, así como alumnado do IES de Allariz, tiveron un encontro co escritor Manuel Rivas na Casa da Cultura. Tras unha entrega de regalos e a lectura de varios textos adicados a súa obra e a súa persoa, procedeuse ao visionado  das escenas máis importantes da  Lingua das  Bolboretas, película realizada nesta vila. Terminou o acto cunhas emotivas palabras do escritor.










17 de maio, día das Letras Galegas



Con motivo da celebración das Letras Galegas, os alumnos e alumnas de 4º, 5º e 6º de Educación primaria foron con moito entusiasmo lerlle contos aos nenos e nenas de Infantil. Durante toda a semana estiveron preparando divertidos contos que ou ben tiñan na casa o coñecían da biblioteca escolar co fin de poder representalos, debuxalos e narralos. Así, sentados por diferentes espazos do seu colexio, un maior estivo acompañado dun pequeno. Intercambiaron verbas, cantigas, apertas pero sobre todo sorrisos por que a mellor maneira de celebrar a nosa lingua é falándoa.





















XXIV Encontro de Teatro en Bande




Os alumnos de 6º de Primaria participaron, o día 14 de maio, no XXIV Encontro de Teatro Escolar que se celebrou en Bande. Representaron a obra "O Principiño"  e conviviron con outros colexios que tamén mostraron as súas creacións escénicas. Posteriormente visitaron o campamento militar romano.













OS  MAIOS

O venres, 3 de maio, tivo lugar no campo da Barreira a tradicional Festa dos Maios. Este ano ò colexio presentou un total de catro maios: O Maio das Bolboretas de Educación Infantil, O Maio Florido de 1º Ciclo, O Maio Titiriteiro do 2º Ciclo e o Cruceiro Alaricano do 3º Ciclo. O acto rematou coa lectura das coplas e foi acompañado por un grupo de gaitas.


























COÑECE OS OUTROS BLOGS DO COLEXIO


 Agradecemos a túa visita a este espazo na rede que o CEIP PADRE FEIJOO pon a túa disposición. Non obstante este non é o único espazo dispoñible xa que diversas actividades interesantes do centro contan tamén co seu propio blog polo que queremos animarte a que os visites. A continuación tes varios enlaces que te levarán a coñecelos.

A Horta de Auri  Este blog recolle información sobre as actividades do horto escolar.

Soños de Papel  Está adicado este blog ao traballo realizado na Biblioteca.

Fai clic nas tic  Toda a información sobre o traballo no colexio coas Tic móstrase aquí.

O Boi na escola  Recolle actividades realizadas por 6º o curso pasado.






Campionato de Bádminton











Campionato de Voleibol

Os alumnos e alumnas do colexio están  realizando esta semana un campionato de voleibol no pavillón aproveitando o tempo dos recreos. Participan rapaces e rapazas de terceiro a sexto de Primaria con equipos mixtos onde o propio alumnado fai a arbitraxe, asumindo así responsabilidades. Con esta actividade remátase todo o traballo realizado previamente nas clases. Á volta da Semana Santa iniciarase o torneo de bádminton.















KIBUKO



O luns 8 de abril veu ao colexio o escritor Xavier Estévez Ferreiro. Os nenos e nenas de 5º de Primaria agardaban con moito interese e entusiasmo a súa visita. O mesmo que suscitara neles a fermosa historia de misterio e amizade que protagonizan Sara e o monstro Kibuko. Foron moitas as preguntas ás que debeu dar resposta pero todos quedaron encantados coa visita. Xavier Estévez valorou especialmente todo o traballo que os nenos e nenas realizaran sobre a súa obra.














ACTUACIÓN  DO  MAGO  TETO

Na mañá do 27 de marzo, o Mago Teto fixo soñar aos alumnos e alumnas de 3º, 4º e  5º  de Educación Primaria cunha función moi especial celebrada no colexio. Durante a mesma  realizou un interesante percorrido pola historia da Maxia, dende o antigo Exipto ata os nosos días. Este percorrido foi ilustrado con asombrosos trucos que deixaron abraiados a todos os presentes.



O CONSELLO DOS NENOS E NENAS



O venres 15 de marzo botou andar o Consello Municipal de Nenos e Nenas como espazo de participación do alumnado do colexio. Este consello está formado por 12 nenos e nenas de 4º, 5º e 6º de Primaria elixidos por votación dos seus compañeiros e compañeiras (dous por clase). As súas funcións principais son informar dos intereses da infancia, á vez que reciben información daquelas resolucións municipais que lles poda afectar. Está previsto que haxa como mínimo dúas xuntanzas, unha antes do Nadal e outra despois. A maiores destas vogalías infantís estiveron presentes as de adultos formadas polo Tenente Alcalde, arquitecta municipal, concelleira de Benestar Social, Educadora Familiar, Xefe da Policía Local e Coordinador de Protección Civil.












Celebrouse o xoves, 14 de marzo, a Competición de Multixogos Cooperativos para os alumnos de 1º e 2º de Primaria. Esta actividade forma parte do Deporte Escolar. Os colexios participantes foron "Ben-Cho-Shey" do Pereiro de Aguiar, o CEIP de Baños de Molgas e o Padre Crespo de Xunqueira de Ambía, xuntamente co noso centro. Esta competición tivo lugar no "Ben-Cho-Shey" do Pereiro de Aguiar xa que a idea non é competitiva senón de interrelación entre os centros participantes.




















Os alumnos e alumnas do colexio celebraron, o día 1 de marzo, o tradicional Entroido que este ano tiña por tema O HORTO ESCOLAR. O alumnado de Educación Infantil foi disfrazado de amorodos, berenxenas e cenorias mentres que o alumnado de Primaria fixo o mesmo pero con cabazas, xoaniñas, galos, chícharos, espantallos e árbores. Cada curso cantou unha canción á vez que fixeron divertidos bailes.


 



























 

O colexio celebrou o nacemento de Rosalía de Castro, o venres 22 de febreiro, cun fermoso acto no patio do colexio. Participaron todos os alumnos e alumnas tanto de Infantil como de Primaria e durante o mesmo fíxose unha lembranza da súa importante figura rememorando a época histórica na que viviu, así como recitando e  cantando as súas poesías.




 




 


























Coñece os blogs do noso colexio


Agradecemos a túa visita a este espazo na rede que o CEIP PADRE FEIJOO pon a túa disposición. Non obstante este non é o único espazo dispoñible xa que diversas actividades interesantes do centro contan tamén co seu propio blog polo que queremos animarte a que os visites. A continuación tes varios enlaces que te levarán a coñecelos.


A Horta de Auri  Este blog recolle información sobre as actividades do horto escolar.

Soños de Papel  Está adicado este blog ao traballo realizado na Biblioteca.

Fai clic nas tic  Toda a información sobre o traballo no colexio coas Tic móstrase aquí.

O Boi na escola  Recolle actividades realizadas por 6º o curso pasado.






Deporte  Escolar





Os alumnos e alumnas do colexio participaron, o día 18 de xaneiro, nas probas de atletismo celebradas nas pistas de Monterrei. Aínda que o tempo non veu precisamente a axudar isto non foi problema para que todo saíra perfecto grazas ao esforzo e a xenerosidade dos  atletas participantes. Os resultados obtidos cos equipos clasificados para a proba provincial, así como os premios obtidos a nivel individual foron moi satisfactorios. Non obstante este día será tamén lembrado como unha gran xornada de convivencia.












A visita dos Paxes Reais



O día  21 de decembro os colexios de Infantil e Primaria recibiron os Paxes Reais despois dunha longa viaxe dende Oriente ata Allariz para recoller as cartas, escoitar os seus desexos e regalar golosiñas.  Unha vez rematada a visita regresaron pola tarde de novo a Oriente para que as  Súas Maxestades podan coñecer canto antes estes desexos e así poder preparar os regalos.












III Concurso “Ti si que vales”


O colexio estivo realizando durante o mes de novembro o casting do III Edición do Concurso "Ti si que vales". Este festival está organizado polas áreas de Música e Educación Física. Finalmente o concurso tivo lugar o día 20 de decembro. O profesorado realiza actividades ao longo do curso encamiñadas a mellorar a convivencia no centro e este concurso forma parte dunha desas iniciativas. A dinámica é similar ao do coñecido programa da TV pero sempre motivando e animando aos alumnos e alumnas á participar e a superarse.


VIDEOS CONCURSO "TI SI QUE VALES"



 
 

 


 















 







A VISITA DO APALPADOR




O día 19 de decembro chegou ao colexio o Apalpador despois dunha longa viaxe dende as montañas do Courel. Foi visitando todas as clases de Educación Infantil e Primaria para agasallar aos nenos e nenas con castañas e bolechas feitas de castañas, á vez que recibiu as súas cartas cos seus desexos.              































ACTIVIDADE CON ECOPILAS


A Fundación Ecopilas, formada polos principais fabricantes e importadores de pilas, ten como tarefa a xestión dos residuos de pilas e baterías. Entre as actividades que realizan destácase a de concienciar aos cidadáns sobre a importancia da súa colaboración na recollida selectiva e reciclaxe destes residuos co fin de reducir o seu impacto ambiental. Por este motivo, o día 17 de decembro, celebraron unha interesante actividade co alumnado de 3º A e 3ºB de Educación Primaria.









XOGUETES  PARA  A  IGUALDADE



Os alumnos e alumnas de 4º de Primaria participaron na actividade "Xoguetes para a igualdade. Os xoguetes non teñen sexo" que a Secretaría Xeral da Igualdade leva a cabo coa colaboración de Os Bolechas aproveitando as próximas datas de Nadal. Esta actividade ten como obxectivo sensibilizar sobre o contido dos xoguetes que en ocasións poden ter un marcado carácter sexista ou violento. Por outra banda o alumnado pode tomar conciencia de que tanto nenas como nenos poden xogar cos mesmos xoguetes sen ter que facer diferenciacións. 


   


 






Encontro con Antía Yáñez Rodríguez


O colexio contou coa presenza da escritora Antía Yáñez Rodríguez que fixo unha interesante presentación ao alumnado de 6º de Primaria do seu libro "O Misterio de Portomarín". Esta presentación forma parte das actividades de animación á lectura que se promoven desde a Biblioteca. O contacto directo con escritores e escritoras permite un enriquecedor intercambio de experiencias, á vez que  reforza a motivación do alumnado como lector.





DEPORTE  ESCOLAR


Os alumnos e alumnas de Primaria participaron, o día 22 de novembro, na previa de campo a través que se celebrou en Monterrei. Os resultados obtidos foron satisfactorios aínda que o máis importante foi que gozaron dun magnífico día de convivencia con outros rapaces e rapazas dos colexios da zona.









Taller de Primeros Auxilios



Os alumnos e alumnas de 3º e 4º de Educación Primaria, en colaboración co SERGAS, terán os días 21 e 22 de novembro un taller de primeiros auxilios que lles permitirá coñecer mellor as situacións de emerxencia máis habituais e como actuar. Preséntase en dous módulos: o primeiro refírese á febre, diarreas, vómitos, golpes, feridas, queimaduras, etc. O segundo permite coñecer diferentes situacións de riscos e como alertar aos servizos sanitarios.



 












 





Os alumnos e alumnas de Educación Infantil e Primaria celebraron o magosto o venres 16 de novembro. Houbo castañas asadas, empanadas, bolos preñados, rosquillas e bicas. O alumnado de Infantil fixo a celebración no seu colexio onde participaron  en diferentes e divertidos xogos relacionados coa castaña. O alumnado de Primaria desprazouse, como en cursos anteriores, ata a campa de Torneiros. 

 O Magosto de Infantil
 







  O Magosto de Primaria

 

Facer cabanas é a primeira tarefa que se acomete ao chegar


Nalgúns casos os futuros inquilinos parecen atopar problemas de espazo

 Agora toca repoñer forzas despois de tanto esforzo











Taller de Primeros Auxilios



Os alumnos e alumnas de 3º e 4º de Educación Primaria, en colaboración co SERGAS, tiveron os días 21 e 22 de novembro de 2018 un taller de primeiros auxilios que lles permitiu coñecer mellor as situacións de emerxencia máis habituais e como actuar. Presentouse en dous módulos: o primeiro refírese á febre, diarreas, vómitos, golpes, feridas, queimaduras, etc. O segundo permite coñecer diferentes situacións de riscos e como alertar aos servizos sanitarios.
  




  


Con motivo do día da Biblioteca Escolar e do Samaín os alumnos e alumnas de Educación Infantil e Primaria celebraron ambas conmemoracións, o día 31 de outubro, na sala de usos múltiples-biblioteca de Primaria. O programa contou con contacontos, a interpretación de varias cancións e unha actuación sorpresa a cargo das mestras e mestres.

Este curso ademais, coa colaboración das familias de Infantil e de Primaria, foi posible adornar o colexio con terrorríficas camisetas.


Camisetas de Educación Infantil








Camisetas de Educación Primaria














 A MIRADA DO OUTRO

"A mirada do outro" é un programa de sensibilización e prevención do acoso escolar que se leva a cabo no colexio para o alumnado de 5º e  6º de Educación Primaria durante os meses de outubro e novembro. O seus obxectivos son sensibilizar ao alumnado das situcións relacionadas coa violencia de xénero, así como entrenar habilidades persoais de autoregulación emocional e competencias de interacción social. Busca tamén adquirir competencias de xestión de conflitos. Para lograr estos obxectivos trabállase cunha metodoloxía participativa e dinámica na que se parte dos intereses do alumnado.





PLAN DE AUTOPROTECCIÓN:  O centro conta con dous plans de autoprotección, un para o colexio de Primaria e outro para o colexio de Infantil. Corresponde en cada inicio de curso poñer en práctica ditos plans co fin de realizar as melloras necesarias para a súa optimización. Así, o día 25 de outubro, os alumnos de Infantil simularon unha situación de emerxencia producida por un hipotético incendio incontrolado na cociña. Trátase de medir tempos de saída dos alumnos das aulas ao punto de reunión e avaliar a eficacia das estratexias deseñadas. O obxectivo que se pretende é que os alumnos se habitúen ás pautas que deben seguir no caso dunha emerxencia. Esto vai a permitir contar cuns plans prácticos que chegado o caso podan ser de enorme utilidade.


A evacuación do colexio de Educación Infantil, dadas as características de seguridade coas que conta este moderno centro (os alumnos empregan rampas en lugar de escaleiras), fixo que a totalidade dos alumnos de Infantil (138 alumnos) evacuara o edificio en 2´40". Tal e como estaba planificado e superando  o tempo estimado para unha evacuación destas características.
O día 26 de novembro tivo lugar o simulacro de evacuación dos 291 alumnos de Educación Primaria. Igual que se fixo con Infantil, simulouse un incendio na cociña por ser este un punto de risco. Os alumnos evacuaron o edificio seguindo as intrucións recollidas no Plan de Autoprotección. A evacuación de todos os alumnos de Primaria realizouse en 4 minutos.
Tanto en Infantil como en Primaria os alumnos dirixíronse aos puntos de seguridade establecidos

  Evacuación en Infantil


Evacuación en Primaria


Excursión de 4º a San Cibrao de Las


Os nenos e nenas de 4º de Educación Primaria tiveron o seu primeiro contacto coa cultura castrexa e as súas formas de vida durante unha interesante visita ao castro de San Cibrao de Las. Esta excursión tivo lugar o día 23 de outubro.















 A BIBLIOTECA MÁXICA





O xoves 11 de outubro, os nenos e nenas de Educación Infantil asistiron no colexio á divertida obra de teatro "A Biblioteca Máxica", ofrecida pola Área de Cultura do Concello de Allariz. Trátase dunha obra de teatro musical a cargo da compañía Pallaso Piruleta & Cia. Nesta simpática obra Don Renato é un singular bibliotecario con poderes especiais para convivir cos seres máis estraños, para transformar contos ou para facer máxia. Non obstante atópase cun serio problema, encontrar un agasallo para un amigo. Finalmente os nenos e nenas de Infantil descubriron o agasallo que foi capaz de fabricar Don Renato. 















 




O noso horto escolar


Coa axuda do taller de emprego da Reserva da Biosfera e dentro do proxecto educativo "Integración da conservación do medio ambiente no ensino",  levado a cabo por este colexio durante os  tres últimos cursos escolares, tivo lugar a construción dun horto escolar que conta ademais cun invernadoiro.
















EDUCACIÓN  VIAL  2017-2018




O día 13 de xuño os alumnos e alumnas de Educación Infantil tiveron un divertido circuito de Educación Vial no patio do colexio de Primaria. Esta actividade busca, por una banda, mellorar as habilidades dos nenos e nenas na vía pública, e por outra que aprendan conceptos básicos de seguridade vial, á vez que se fomenta neles a convivencia, o respeto e a responsabilidade. O día 6 de xuño este circuito realizouse para os alumnos e alumnas de 1º e 2º de Educación Primaria.



EDUCACIÓN VIAL EN INFANTIL





 
 




EDUCACIÓN VIAL PARA 1º E 2º DE PRIMARIA




 












EXCURSIÓN  6º  A  MADRID  Curso 2017-18



Os alumnos e alumnas de 6º de Primaria están realizando unha interesante viaxe de fin de curso por Madrid os días 6, 7 e 8 de xuño. Iremos mostrando fotos desta excursión  a medida que as vaiamos recibindo.




























EXCURSIÓN DE  5º      Curso 2017-18


Os alumnos e alumnas de 5º de Primaria están a realizar unha excursión de dous días a Santiago e a súa contorna. Dentro desta actividade recorreron unha parte do camiño de Santiago e visitaron en Padrón a casa de Rosalía de Castro.














EXCURSIÓN DE 4º - MUSEOS DE A CORUÑA


Os alumnos e alumnas de 4º de Primaria realizaron una interesante excursión aos museos de A Coruña o martes día 5 de xuño.












Excursión de Infantil a San Cibrao de Las

Os nenos e nenas de Educación Infantil tiveron o seu primeiro contacto coa cultura castrexa e as súas formas de vida durante unha interesante visita ao castro de San Cibrao de Las. Esta excursión tivo lugar o día 11 de maio.














A FESTA DO BOI : OS  MONICREQUES

Un ano máis os alumnos e alumnas do colexio viaxan no tempo ata a Idade Media. Convértense así nos cativos que viviron naquela época para deste xeito dar vida a lenda de Xan de Arzúa. Nesta dramatización e axudados polos monicreques representan os diferentes gremios que había en Allariz tales como os zapateiros, os muiñeiros, os ferreiros, os tablaxeiros, os panadeiros ou os carniceiros.










EXPOSICIÓN  FOTOGRÁFICA

 AS PEGADAS DOS NOSOS MAIORES



Durante os meses de maio e xuño estará exposta no colexio unha interesante exposición fotográfica que recolle instantáneas da vida cotiá dos nosos maiores. Esta exposición foi posible grazas as achegas das familias dos alumnos e alumnas e son testemuña dun pasado que tamén debemos coñecer e conservar na memoria xa que sempre estaremos en débeda cos esforzos levados a cabo polas xeracións anteriores.

Horarios para visitar a exposición:

Maio: de luns a xoves, das 9h30 ás 14h00 e das 15h30 ás 17h00. Venres, das 9h30 ás 14h00

Xuño: de luns a venres, das 9h00 ás 13h15.














 Visita do creador do MÉTODO ABN


O Método ABN supuxo unha innovación sen precedentes no ensino das matemáticas, un eido tradicionalmente relegado a aprendizaxe memorística e mecánica. Busca que o alumando sexa quen de resolver os problemas cunha maior autonomía e liberdade. O seu creador foi o doutor en Ciencias da Educación Jaime Martínez Montero que o día 24 de maio acudiu ao noso colexio para comprobar de primeira man como o equipo docente de Infantil, tras formarse na metodoloxía do cálculo ABN, está no proceso de ilo implantando progresivamente. Sinalar que o creador do método seleccionou o noso colexio xunto a outros dous da provincia.






DE TEATRO ESCOLAR

Final Comarcal de Voleibol

O luns 21 de maio celebrouse no polideportivo a final comarcal coa organización por parte dos mestres/as do noso colexio. A destacar a gran participación con un total de 207 alumnos/as procedentes dos centros de Xunqueira, Baños de Molgas, Ben-Cho-Shey, Miraflores e Padre Feijoo. En cada tódalas categorías acadou un equipo deste centro o 1º posto. Destacar tamén que estamos chegando ás finais mixtas de volei-patio. onde se inscribiron un total de 50 parellas con dúas categorías: 3º e 4º e 5º e 6º.

Con isto poñeremos remate a tódalas actividades deportivas que se levaron a cabo nos recreos.













 O SABOR DA AVENTURA ESTÁ NO MAR 


O día 8 de maio, na biblioteca do colexio,  leváronse a cabo os obradoiros do “Sabor da Aventura está no Mar”. Por grupos de idade foron pasando todas as aulas que participan neste proxecto. O pescador Luís e a cociñeira dona Mariña  apareceron na biblioteca falando dos Arroases e os seus superpoderes e explicaron moitas cousas relacionadas co peixe, cos mariscos, coas artes e os aparellos de pesca….Tamén nos ensinaron ricos pratos que levan como ingrediente principal peixes e mariscos: bocadillos, lasañas, pizzas, etc. Ó final recibimos un cadernillo e unha gorra como agasallo.







O mesmo día, os alumnos e alumnas de 4º de Primaria foron de excursión “A Garda”. Visitaron a lonxa, o porto, o Museo do Mar e a nave de redeiras. Degustaron unha merenda mariñeira e aprenderon como é o sistema de venda de produtos pesqueiros e a importancia do etiquetado dos mesmos.

Na páxina de Facebook OS ARROASES ("O sabor da aventura está no mar") podedes ver máis fotos e unha explicación  máis detallada das actividades realizadas.















Encontro con María Canosa


Os alumnos e alumnas de 2º e 4º de Educación Primaria, dentro das actividades do Plan Lector do colexio, tiveron un encontro coa escritora de literatura infantil e xuvenil, María Canosa. Autora igualmente coñecida polo seu papel de experta nos programas de TVG "Cifras e Letras" e "Verbas Van". Antes da súa presenza no colexio os alumnos e alumnas de 2º leron o seu fermoso libro "O día que choveu ao revés", mentres que os de 4º gozaron da lectura de "A cazadora de estrelas". Este encontro tivo lugar na biblioteca, o día 10 de abril. Durante o mesmo a autora deu resposta a moitas preguntas, á vez que asinou todos os exemplares que lles foron presentados.


 











ACTUACIÓN  DO  MAGO  TETO



Na mañá do venres 16 de marzo, o Mago Teto fixo soñar aos alumnos e alumnas de 4º, 5º e 6º de Educación Primaria cunha función moi especial celebrada no colexio. Durante a mesma  realizou un interesante percorrido pola historia da Maxia, dende o antigo Exipto ata os nosos días. Este percorrido foi ilustrado con asombrosos trucos que deixaron abraiados a todos os presentes.












8 DE MARZO, DÍA DA MULLER



Con motivo da celebración o 8 de marzo como Día da Muller foron realizadas no colexio diferentes actividades. Trátase de concienciar aos alumnos e alumnas sobre a importancia da súa presenza na sociedade e como contribución a erradicación de todo tipo de desigualdades e estereotipos.,



o alumnado traerá fin de mellorar os hábitos alimenticios.
 
Programa Aliméntate Ben
-     Azucre    =      + Saúde



Aproveitando que estaban traballando o tema da alimentación, os nenos e nenas de 3º A de Educación Primaria, fixeron varias rodas de alimentos e levaron a cabo unha interesante actividade relacionada coa alimentación e a saúde.

A tarefa consistiu en:

1º. Investigar  os efectos dun consumo elevado de azucre.

2º. Enfermidades máis comúns.

3º. Ler a información do azucre que conteñen os refrescos e zumes que consumimos habitualmente.

4º. Calcular as porcentajes de cada envase (coa axuda das mestras).

5º. Pesar o azucre de cada bebida nunca báscula.

6º. Montar un mural coas conclusións extraídas.

 Este foi o resultado:











                              Programa Aliméntate Ben
                      Semana das merendas saudables
  Sema

A semana do 26 de febreiro  ó 2 de marzo, o alumnado traerá merendas saudables co fin de mellorar os hábitos alimenticios.



 


CURSO 2018-2019
XORNADA  DE  PORTAS  ABERTAS
20 de Febreiro, ás 16h00

 

As familias dos novos alumnos de 3 anos que se matriculen para o próximo curso 2018-19 participaron nunha Xornada de portas abertas, o día 20 de febreiro, ás 16h00, na sala de usos múltiples do colexio de Educación Infantil. Os nenos e nenas terán a súa propia visita dentro de varias semanas.















 











































Participación no Deporte Escolar,  sábado 3 de febreiro de 2018.  Unha vez máis os alumnos e alumnas do noso colexio responderon ás mellores expectativas ao clasificar o equipo alevín para a final do Campionato Galego que se celebrará o día 19 en Portas. En Infantil clasificouse Aroa, mentres o equipo dos pequenos obtiveron cinco dos seis trofeos sendo en consecuencia o mellor colexio da provincia. Os pequenos recibiron a felicitación da atleta olímpica en Sidney, Marta Míguez, actual Secretaria Xeral de Deportes.












OS SOÑOS DAS NOSAS NENAS E NENOS PARA 2018






A VISITA DO PAXE REAL
O día 19 de decembro os colexios de Infantil e Primaria recibiron ao Paxe Real despois dunha longa viaxe dende Oriente ata Allariz para recoller as cartas, escoitar os seus desexos e regalar golosiñas.  Unha vez rematada a visita regresou pola tarde de novo a Oriente para que as  Súas Maxestades podan coñecer canto antes estes desexos e así poder preparar os regalos.

GALICIENCIA  2017


Trátase da feira máis importante que se celebra actualmente en Galicia adicada á ciencia. Serve de punto de encontro das ideas innovadoras da xuventude e ten lugar no Parque Tecnolóxico de Galicia. Unha das súas actividades é o concurso de deseño da imaxe da súa camiseta oficial que será utilizada por todos os participantes durante a súa celebración. Por segundo ano consecutivo o deseño premiado foi o realizado por alumnos deste colexio. Nesta edición 2017 a gañadora foi Navia Coimbra Burgos de 6ºA. O seu deseño foi escollido entre máis dos cincocentos presentados. Nas próximas datas,  os seus compañeiros visitarán esta feira e serán testemuñas deste recoñecemento.








PIZARRAS DIXITAIS EN TODAS AS AULAS



Si ben o colexio xa hai anos que contaba cun canón de video conectado a internet en cada unha das aulas, progresivamente foi mudando este equipamento por pizarras dixitais. Para o curso 2017-2018 todas as aulas, tanto de Infantil como de Primaria, contan cunha  pdi. 

AS TICS NAS ACTIVIDADES EXTRAESCOLARES
Ademais do importante incremento na oferta de actividades extraescolares para este curso tales como a incorporación de xadrez, ioga ou patinaxe, para o ano escolar  hai dúas interesantes actividades relacionadas coas tic:

Escritura dixital: Os alumnos aprenden o uso correcto do teclado escribindo con rapidez, axilidade e sen erros. Permite que podan ler e escribir ao mesmo tempo. O dominio correcto do teclado presenta numerosas vantaxes en moitas profesións. O alumno recibe coa matrícula un teclado específico e material que permite, ademais, continuar as prácticas na súa casa con exercicios on line.



Informática multimedia e robótica:  Programación con Scratch (comprender a lóxica da programación coa creación de videoxogos propios), Programación AppInventor, Programación LiveCode e deseño Alice. Deseño gráfico (tratamento da imaxe e maquetación) e Robótica (programación de circuítos mediante os kit de arduino e similares, e a súa aplicación na robótica e control de dispositivos).