2023-2024
BANCO DE LIBROS PROVISIONAL
Mañá, 4 de xullo,
estarán expostas no taboleiro INTERIOR do colexio as listas do banco de
préstamo co número de libros asignados. Por instrucións da Consellería non
haberá outra forma de publicación, agás os solicitantes por vía electrónica que
poderán acceder ao seu expediente na aplicación fondolibros coa Chave 365 ou
certificado dixital. As reclamacións poderán ser formuladas os días 5 e 6 de
xullo. A lista definitiva coa relación dos libros por materia será publicada o
venres 7. O horario para a consulta dos listados será das 9h00 ás 14h00, ata o
15 de xullo. Os libros asignados serán entregados ao alumnado en setembro.
AXUDAS PARA LIBROS DE TEXTO E MATERIAL
AXUDAS PARA LIBROS DE TEXTO E MATERIAL DE 1º e 2º PRIMARIA
As familias poderán recoller no colexio, dende o xoves 29 de xuño e ata o 14 de xullo, os vales dos libros de texto e de axudas para material de 1º e 2º de Educación Primaria, das 9h00 ás 14h00.
AXUDAS PARA MATERIAL DE 3º, 4º, 5º e 6º DE PRIMARIA
As familias poderán recoller no colexio, dende o xoves 29 de xuño e ata o 14 de xullo, os vales de axudas para material, das 9h00 ás 14h00.
BANCO DE LIBROS DE 3º, 4º, 5º e 6º
As familias terán información sobre o banco de libros de 3º, 4º , 5º e 6º o 4 de xullo.
LIBROS DE TEXTO
2023-2024
Enlaces aos listados dos libros de texto do curso 2023-24:
Fondo libros e axudas de material 2023-2024
No DOG do 19 de maio de 2023 foi publicada a Orde do 10 de maio de 2022 que regula a participación no fondo solidario de libros de texto e as axudas para material para o curso 2023-2024.
INFORMACIÓN SOBRE O FONDO SOLIDARIO DE LIBROS DE 3º, 4º, 5º E
6º DE PRIMARIA, AXUDAS PARA ADQUIRIR OS LIBROS DE 1º E 2º DE PRIMARIA E AXUDAS
PARA MATERIAL
Informamos
que a Consellería ven de establecer a participación no fondo solidario de libros de texto (banco de libros) para os cursos
3º, 4º, 5º e 6º de Primaria, as axudas
para adquirir libros de texto para 1º e 2º de Primaria (ambos cursos non
teñen banco de libros), así como as axudas
para adquirir material. A solicitude será
única para todos os fillos/as que estean escolarizados neste colexio
para o curso 2023-2023. O prazo de
presentación das solicitudes remata o 21 de xuño de 2021.
Formas de presentación
1. FORMA
PREFERENTE: na aplicación
Fondolibros (www.edu.xunta.es/fondolibros). Posteriormente poderán presentala no colexio (anexos I e II),
xunto coa documentación que corresponda, ou ben presentala xa na Sede Electrónica (http://sede.xunta.gal). Para a presentación das solicitudes
poden empregarse os mecanismos de identificación e sinatura da sede electrónica
incluíndo a Chave 365.
2. Cubrindo a solicitude impresa que se achegará polo alumnado ou que tamén se pode recoller na Seceretaría do colexio. Unha vez cuberta
deberá entregarse, xunto coa documentación que necesite cada caso, directamente no colexio.
IMPORTANTE: O COLEXIO NON FARÁ FOTOCOPIAS DOS SEUS DOCUMENTOS. DEBERÁ TRAER A DOCUMENTACIÓN NECESARIA XA FOTOCOPIADA.
Asignación de libros de 3º, 4º, 5º e 6º
a) Por orde inversa á renda per cápita da unidade
familiar, ata que se esgoten as existencias.
b) Terá preferencia
para esta adxudicación o alumnado cunha discapacidade igual ou superior ao 65
%, con independencia da renda.
- Esgotados os libros disponibles no fondo solidario, o colexio adquirirá os libros de texto complementarios necesarios para garantir.-:
1) Renda per cápita
familiar igual ou inferior a 6.000 €: seis (6) libros de texto.
2) Renda per cápita
familiar superior a 6.000 € e igual ou
inferior a 10.000 €: catro (4) libros
de texto.
3) Ao alumnado cunha discapacidade igual ou superior ao 65 %:
seis (6) libros ou unha axuda de 300€, con independencia da renda, cando non poida usar os libros de
texto do curso e non existan os adecuados no banco.
4) Para o alumnado de NEE que non poida usar libros de texto e non existan os adecuados no banco, a axuda será de 240€ ou 160€, segundo a renda per cápita da unidade familiar e coa que poderá adquirir os libros ou o materail didáctico que se lle indique no colexio.
Os libros serán entregados aos alumnos ao inicio do
curso 2023-2024, no mes de setembro.
Prazos estimados para o fondo de libros
· A relación
provisional de solicitudes admitidas e excluídas publicarase no taboleiro o 4 de xullo de 2023.
· Poderase formular reclamación
no centro os días 5 e 6 de xullo de 2023.
· A relación
definitiva de solicitudes admitidas e
excluídas publicarase no taboleiro o 7
de xullo de 2023.
Contía da axuda para adquirir libros de texto de 1º e 2º
a) Renda per cápita
familiar igual ou inferior a 6.000€: 240 €.
b) Renda per cápita
familiar superior a 6.000€ e igual ou
inferior a 10.000€: 160€.
c) Para o alumnado cunha discapacidade
igual ou superior ao 65 % a axuda será de 300 €, con independencia da renda per cápita da unidade familiar.
A recollida dos vales dos libros de 1º e 2º anunciarase no
taboleiro exterior, na web do colexio e por Abalar móbil.
Contía da axuda para adquirir material escolar
Para o alumnado matriculado en Primaria con renda per cápita familiar igual ou inferior a 6.000€
será de 75 €. Con renda superior a 6.000e e inferior a 10.000e será de 60€. O alumnado que estea
en situación de garda ou tutela da Xunta de Galicia, o alumnado de EE ou cunha discapacidade
igual ou superior ao 65 % será beneficiario desta axuda con independencia da
renda.
A recollida dos vales de axuda de material anunciarase no
taboleiro exterior, na web do colexio e por Abalar móbil.
Como
calcular a renda per cápita da unidade familiar
Sempre se terá en conta a situación
familiar a 31 de decembro de 2021. Será
o resultado de dividir a renda da
unidade familiar do ano 2021 (suma das rendas dos membros computables) entre o
número de membros computables, tendo en conta que computarán por dous os
membros que acrediten unha discapacidade igual ou superior ao 33 % ou a
percepción dunha pensión da Seguridade Social por incapacidade permanente nos
graos de total, absoluta ou grande invalidez, ou a equivalente de clases pasivas.
Cando presentase declaración do imposto sobre a renda das persoas físicas no
exercicio fiscal 2021, sumaranse a
base impoñible xeral (recadro 435) e a base impoñible do aforro (recadro 460);. Nos casos de violencia de xénero non
se terán en conta os ingresos do agresor para determinar a renda per cápita da
unidade familiar.
Cando non se presentase declaración da renda, teranse en
conta os ingresos de acordo cos datos
tributarios facilitados pola Axencia Estatal de Administración Tributaria.
Membros computables da unidade familiar
a) Os pais non separados legalmente nin divorciados ou, de ser o caso, o
titor ou titores do alumnado.
b) Os/as fillos/as menores de idade con excepción dos emancipados. Terán
a mesma consideración os tutelados ou en acollida familiar.
c) Os/as fillos/as maiores de idade discapacitados ou incapacitados
xudicialmente suxeitos á patria potestade prorrogada ou rehabilitada.
d) Os/as fillos/as solteiros/as menores de 25 anos e que convivan no
domicilio familiar.
e) Os proxenitores separados legalmente ou divorciados con custodia compartida forman
unha unidade familiar cos fillos que teñen en común.
f) A persoa que, por novo matrimonio, en situación de unión de feito ou
en situación de afectividade análoga ás anteriores con convivencia, resida no
domicilio familiar coa persoa proxenitora do/a alumno/a, agás nos casos de
custodia compartida.
Nos casos en que a composición familiar non se axuste aos puntos anteriores e non dispoñan de libro de familia, achegarán un certificado de convivencia no que figure o alumno/a e todos os familiares cos que conviva. Tamén pode achegar un certificado dos servicios sociais no que acredite a situación familiar. En todo caso terase en conta a situación personal e a composición da unidade familiar a 31 de decembro de 2021, agás nos casos de violencia de xénero.
Cando non
exista vínculo matrimonial, a unidade familiar entenderase constituída polo pai, a nai e todos os
descendentes que convivan con eles e que reúnan os requisitos do punto
anterior. Non terá a consideración de
membro computable a persoa proxenitora que non conviva co alumnado nos casos de
separación legal ou divorcio, agás no caso de custodia compartida.
Tampouco terá esta consideración o agresor nos casos de violencia de xénero.
Documentación
acreditativa
a) Cando se opoñan á consulta telemática
deberán indicalo no recadro correspondente e ademais achegar os seguintes
documentos: DNI/NIE, declaración da renda de 2021, certificado do grao de
discapacidade recoñecido pola Xunta de Galicia, percepción de pensións por
incapacidade total, absoluta ou gran invalidez, ou de pensión por xubilación ou
retiro por incapacidade permanente.
b) Achegarase copia do libro de familia onde figuren
todos os membros computables. Nos casos en que non teñan libro de
familia ou este non reflicta a situación a 31 de decembro de 2021, poderán
acreditar o número de membros utilizando, entre outros, a sentenza xudicial de separación ou divorcio ou, de ser o caso,
convenio regulador onde conste a atribución da custodia. Tamén mediante certificado de convivencia ou informe dos servizos sociais.
c) Certificado acreditativo do grao de discapacidade, se fose o caso,
recoñecido por órgano que non perteneza á Xunta de Galicia.
d) Violencia de xénero. Acreditarase en
calquera das formas que enumera o artigo 5 da Lei 11/2007, do 27 de xullo,
galega para a prevención e o tratamento integral da violencia de xénero.
e) Resolución xudicial
de incapacitación con patria potestade prorrogada ou rehabilitada, no caso que
corresponda.
f) Resolución
administrativa ou xudicial acreditativa da situación de acollemento ou
certificado do centro de menores para o alumnado en situación de tutela ou
garda da Xunta de Galicia.
g) Certificado de
convivencia, volante de convivencia ou informe dos servizos sociais ou do
órgano equivalente do concello onde resida a familia, no caso de que o pai e a nai ou titor e titores carezan de DNI e NIE.
Máis información ORDE do 10 de maio de 2023 (DOG 19 de maio de 2023)