XORNADA DE PORTAS ABERTAS EN INFANTIL
As familias do novo alumnado de Infantil do curso 2024-2025 terán unha xornada de portas abertas nas que se informará sobre aspectos importantes da súa escolarización, á vez que poderán coñecer as intalacións do centro. Esta xornada será o día 20 de febreiro, ás 16h00, no colexio de Infantil. Aconséllase para esta visita, de ser posible, non vir acompañados dos nenos e nenas. Eles terán a súa propía visita na primavera.
Matrícula 2024-2025
Proceso da matrícula 2024-2025
1 ao 20
de marzo: Prazo para entregar a solicitude
de admisión. Esta solicitude será entregada directamente ao alumnado da Escola Infantil de Allariz durante o mes de febreiro xunto con diversa información sobre o funcionamento do colexio. As demais familias deben pasar pola Secretaría do colexio. O horario para recoller ou achegar as solicitudes será das 9h00 ás 14h00 durante os días lectivos.
20 ao 30 de xuño: formalización da matrícula. Debemos ter en conta que do 1 ao 20 de marzo realízase a solicitude de admisión pero NON a matrícula que será do 20 ao 30 de xuño. As familias do alumnado que está na Escola Infantil recibirán o impreso de matrícula (moi similar ao da solicitude de admisión) coa antelación suficiente. As demais familias van a recibilo por correo ordinario. Unha vez cuberto debe entregarse na Secretaría do colexio. Entregado este impreso remata o proceso da matriculación.
Lembrar que tamén se poderá recoller e cubrir no colexio, achegar por Sede Electrónica ou descargar da aplicación Admisión Alumando, cubrir e entregar no centro.
No mes de xuño estará publicado, na pestana de Educación Infantil, o período de adaptación do alumnado de 4º de Infantil (3 anos).
A solicitude de admisión neste colexio pode realizarse
das seguintes formas:
a) Alumnos da Escola Infantil de Allariz: recibirán durante o mes de febreiro a solicitude de admisión ED550B acompañada de varios documentos. Neste caso xa non precisan desprazarse ao colexio a recoller documentación algunha. Os documentos poden entregarse, unha vez cubertos, na mesma Escola Infantil.
b) Cubrindo a solicitude de admisión ED550B, unha vez descargado o impreso, nos seguintes enlaces:
Para poder ademais enviala telemáticamente é necesario dispoñer de certificado dixital ou chave 365 e presentalo na Sede Electrónica a través da aplicación.
PRESENTARÁN A SOLICITUDE
A) Aqueles nenos/as que cumpran os 3 anos antes do día 31 de decembro de 2024 (os nacidos en 2021).
B) Os nenos/as de 4 ou máis anos que procedan doutros centros.
DOCUMENTACIÓN NECESARIA
Documentos que proporciona o colexio
1. Solicitude de admisión.
2. Impreso para o certificado médico.
3. Solicitude do transporte escolar.
4. Anexo da lingua materna (só alumnado de 3 anos).
Resto dos documentos que deben aportar as familias
5. Fotocopia da Tarxeta da Seguridade Social ou doutra entidade de atención sanitaria.
6. Fotocopia do libro de familia.
7. Certificado do padrón municipal.
8. 2 fotografías, no caso de ser alumnos de 3 anos.
PROCESO PARA A ADMISIÓN DO ALUMNADO - CURSO 2024-2025
A)
Normativa
reguladora do procedemento de admisión.
DECRETO
254/2012, de 13 de decembro, polo que se regula a admisión de alumnado en
centros docentes sostidos con fondos públicos que imparten as ensinanzas de
segundo ciclo de educación infantil, de educación primaria, de educación
secundaria obrigatoria e de bacharelato reguladas na Lei orgánica 2/2006, do 3
de maio, de educación.
ORDE de 12 de
marzo de 2013, pola que se desenvolve o procedemento para a
admisión do alumnado en centros docentes sustentados con fondos públicos que
impartan ensinanzas de 2º ciclo de educación infantil, de educación primaria,
de educación secundaria obrigatoria e de bacharelato reguladas na Lei orgánica
2/2006, do 3 de maio, de educación.
ORDE do 25 de xaneiro de
2017 pola que se modifica a
Orde do 12 de marzo de 2013 pola que se desenvolve o procedemento para a
admisión do alumnado en centros docentes sustentados con fondos públicos que
impartan ensinanzas de 2º ciclo de educación infantil, de educación primaria,
de educación secundaria obrigatoria e de bacharelato reguladas na Lei orgánica
2/2006, do 3 de maio, de educación.
Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.
Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públcios que imparten ensinanzas de educación infantil e primaria.
B)
Postos
escolares ofertados: sen límite de prazas
C)
Prazo de
presentación das solicitudes: do 1 ao 20 de marzo de 2024
D)
Publicación
da listaxe provisional de admitidos e non admitidos: 25
de abril de 2024
E)
Publicación
da listaxe definitiva de admitidos e non admitidos: 15
de maio de 2024
F)
Prazo para
formalizar a matrícula: do 20 ao 30 de xuño de 2024
G)
Os alumnos
que este curso rematen 6º de Primaria teñen como centro adscrito o IES de
Allariz. A reserva de praza para o IES será
do 15 de xaneiro aos 5 de febreiro. Esta reserva realízase neste colexio.
---------------------------------------------------------------------------------------------------
1º. Cada alumna e alumno só
pode presentar unha única solicitude no centro no que solicite praza en
primeiro lugar, advertindose que a infracción determinará a perda dos dereitos
de prioridade que poidan corresponderlle.
2º. O alumnado que ten
garantía de permanencia nun centro, se presenta solicitude de admisión noutro
distinto deberá comunicalo, ao mesmo tempo, ao centro de orixe.
3º. O alumnado que ten reservada
praza nun centro, se presenta solicitude de admisión noutro distinto deberá
comunicar a renuncia á reserva antes do inicio do prazo de presentación de
solicitudes de admisión.
O alumnado que está actualmente matriculado neste colexio non ten que facer nada. Só é para os novos alumnos.
AULA DE ESPERA
É unha iniciativa de atención á infancia que ofrece ás familias do
alumnado escolarizado a posibilidade de deixalos no centro con
anterioridade ao inicio das clases e que permite ademais que poidan
almorzar. Este proxecto nace da necesidade que algunhas familias
precisan para atender ós seus fillos e fillas durante o período de tempo
comprendido entre a incorporación ao seu traballo ata a entrada dos
nenos e nenas ao colexio.
Calendario e horario: Iníciase co curso escolar en setembro e permanece en funcionamento durante todo o ano lectivo. O seu horario de apertura é das 7h30 ás 9h15.
Localización: Atópase nas antigas vivendas dos mestres, na 1ª planta (edificio contiguo ao de Educación Primaria).
Información e matrícula: SERVIZOS SOCIAIS COMPLEMENTARIOS. FOGAR DOS MAIORES, A Barreira, 3. Allariz. Telf.: 988 55 40 59
Calendario e horario: Iníciase co curso escolar en setembro e permanece en funcionamento durante todo o ano lectivo. O seu horario de apertura é das 7h30 ás 9h15.
Localización: Atópase nas antigas vivendas dos mestres, na 1ª planta (edificio contiguo ao de Educación Primaria).
Información e matrícula: SERVIZOS SOCIAIS COMPLEMENTARIOS. FOGAR DOS MAIORES, A Barreira, 3. Allariz. Telf.: 988 55 40 59
