MATRÍCULA

 

PERIODO DE ADAPTACIÓN PARA 3 ANOS  2024-2025

Infórmase ás familias que para o próximo curso 2024-2025 o alumnado de 3 anos (4º de Educación Infantil) disporá de tres grupos. No seguinte enlace poderá coñecer o periodo de adaptación de ditos grupos A, B e C.

  PERIODO DE ADAPTACIÓN 3 ANOS 2024-25

 

 

ADMISIÓN DEFINITIVA DE NOVO ALUMNADO PARA O CURSO 2024-2025

 Infórmase que, a 15 de maio de 2024, todo o alumnado que presentou solicitude de admisión neste colexio para o próximo curso 2024-2025 está admitido definitivamente.  Este listado definitivo está publicado no taboleiro interior do colexio.

 

 

 

 Proceso da matrícula 2024-2025

 

1 ao 20 de marzo: Prazo para entregar a solicitude de admisión. Esta solicitude será entregada directamente ao alumnado da Escola Infantil de Allariz durante o mes de febreiro xunto con diversa información sobre o funcionamento do colexio. As demais familias deben pasar pola Secretaría do colexio. O horario para recoller ou achegar as solicitudes será das 9h00 ás 14h00 durante os días lectivos.

 

   20 ao 30 de xuño: formalización da matrícula. Debemos ter en conta que do 1 ao 20 de marzo realízase a solicitude de admisión pero NON a matrícula que será do 20 ao 30 de xuño. As familias do alumnado que está na Escola Infantil recibirán o impreso de matrícula (moi similar ao da solicitude de admisión) coa antelación suficiente. As demais familias van a recibilo por correo ordinario. Unha vez cuberto debe entregarse na Secretaría do colexio. Entregado este impreso remata o proceso da matriculación.

Lembrar que tamén se poderá recoller e cubrir no colexio, achegar por Sede Electrónica  ou descargar da aplicación Admisión Alumando, cubrir e entregar no centro.

No mes de xuño estará publicado, na pestana de Educación Infantil, o período de adaptación do alumnado de 4º de Infantil (3 anos).

  

A solicitude de admisión neste colexio pode realizarse das seguintes formas:

a) Alumnos da Escola Infantil de Allariz: recibirán durante o mes de febreiro a solicitude de admisión  ED550B  acompañada de varios documentos. Neste caso xa non precisan desprazarse ao colexio a recoller documentación algunha. Os documentos poden entregarse, unha vez cubertos, na mesma Escola Infantil.

 

b) Cubrindo a solicitude de admisión ED550B, unha vez descargado o impreso, nos seguintes enlaces:

Impreso en galego

     Impreso en castelán

 

  Para poder  ademais  enviala telemáticamente é necesario dispoñer de certificado dixital ou chave 365 e presentalo na Sede Electrónica a través da aplicación.

PRESENTARÁN A SOLICITUDE

A) Aqueles nenos/as que cumpran os 3 anos antes do día 31 de decembro de 2024 (os nacidos en 2021).

B) Os nenos/as de 4 ou máis anos que procedan doutros centros.

DOCUMENTACIÓN  NECESARIA

Documentos que proporciona o colexio

1. Solicitude de admisión.

2. Impreso para o certificado médico.

3. Solicitude do transporte escolar.

4. Anexo da lingua materna (só alumnado de 3 anos).

Resto dos documentos que deben aportar as familias

5. Fotocopia da Tarxeta da Seguridade Social ou doutra entidade de atención sanitaria.

6. Fotocopia do libro de familia.

7. Certificado do padrón municipal.

8. 2 fotografías, no caso de ser alumnos de 3 anos.

  

PROCESO  PARA  A   ADMISIÓN  DO  ALUMNADO   -   CURSO  2024-2025

  

A)    Normativa reguladora do procedemento de admisión.

DECRETO 254/2012, de 13 de decembro,  polo que se regula a admisión de alumnado en centros docentes sostidos con fondos públicos que imparten as ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

ORDE de 12 de marzo de 2013, pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públcios que imparten ensinanzas de educación infantil e primaria.

 

 B)    Postos escolares ofertados:  sen límite de prazas

C)    Prazo de presentación das solicitudes: do 1 ao 20 de marzo de 2024

D)   Publicación da listaxe provisional de admitidos e non admitidos: 25 de abril de 2024

E)    Publicación da listaxe definitiva de admitidos e non admitidos: 15 de maio de 2024

F)    Prazo para formalizar a matrícula: do 20 ao 30 de xuño de 2024

G)    Os alumnos que este curso rematen 6º de Primaria teñen como centro adscrito o IES de Allariz.  A reserva de praza para o IES será do 15 de xaneiro aos 5 de febreiro. Esta reserva realízase neste colexio.

---------------------------------------------------------------------------------------------------

1º. Cada alumna e alumno só pode presentar unha única solicitude no centro no que solicite praza en primeiro lugar, advertindose que a infracción determinará a perda dos dereitos de prioridade que poidan corresponderlle.

2º. O alumnado que ten garantía de permanencia nun centro, se presenta solicitude de admisión noutro distinto deberá comunicalo, ao mesmo tempo, ao centro de orixe.

3º. O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

 

O alumnado que está actualmente matriculado neste colexio non ten que facer nada. Só é para os novos alumnos.

AULA DE ESPERA

      É unha iniciativa de atención á infancia que ofrece ás familias do alumnado escolarizado a posibilidade de deixalos no centro con anterioridade ao inicio das clases e que permite ademais que poidan almorzar. Este proxecto nace da necesidade  que algunhas familias precisan para atender ós seus fillos e fillas durante o período de tempo comprendido entre a incorporación ao seu traballo ata a entrada dos nenos e nenas ao colexio.

Calendario e horario: Iníciase co curso escolar en setembro e permanece en funcionamento durante todo o ano lectivo. O seu horario de apertura é das 7h30 ás 9h15. 
Localización: Atópase nas antigas vivendas dos mestres, na 1ª planta (edificio contiguo ao de Educación Primaria).
Información e matrícula: SERVIZOS SOCIAIS COMPLEMENTARIOS. FOGAR DOS MAIORES, A Barreira, 3. Allariz. Telf.: 988 55 40 59